थौं गुरुपुन्हि

येँ(सन्ध्या टाइम्स)/थः गुरुयात पूजा याइगु दिं गुरुपुन्हि। दँय्दसं थौंया हे दिनय् गुरुयात पूजा यायेगु याना वयाच्वंगु दु। विशेष यानाः स्कूल व कलेजया विद्यार्थीतय्सं थः गुरुयात द्वहलपा बियाः पूजा यायेगु अले गुरुपाखें आशिर्वाद कायेगु याना वयाच्वंगु दु। गुरुपुन्हि जूगुलिं स्कूल व कलेजय् बिदा बियातःगु दुसा विद्यार्थीत थौं सुथंनिसें हे थः गुरुयात सिन्हः तिकेगु, उपहार बीगु नापं गुरुयात पूजा यायेगुली ब्यस्त जुयाच्वंगु दु।