न्हिनय् हे रेष्टुरेन्ट व्यवसायीया हत्या

येँया मासङ्गगल्ली च्वंगु तृष्णा नेवारी खाजा घरया संचालक कृष्ण श्रेष्ठयात शनिवाः अज्ञात पुचलं स्याना ब्यूगु दु । शनिवाः न्हिनसिया ३ बजे रेष्टुरान्टय् च्वनाच्वम्ह श्रेष्ठयात निम्ह अज्ञात मनूतय्सं बियरया बोतल व ग्लासं क्येकाः स्यानाब्यूगु खः । हत्यारातय्सं श्रेष्ठया जाहान सीतयात नं दायाः घाःपाः यानाब्यूगु दु ।

काभ्रेया सुन्थान छेँ जूम्ह ४० दँया श्रेष्ठ घटनास्थलय् हे मदुगु खँ प्रहरीं धाःगु दु । सीतायात धाःसा रेष्टुरान्टय् बेहोस अवस्थाय् प्रहरीं लुइकूगु खः । गम्भीर घाःपाः जूम्ह सीतायात आः वीर अस्पतालय् वासः याकातःगु दु । श्रेष्ठयात सुनां व छाय् स्यात धइगु बारे अनुसन्धान सुरु जूगु खँ प्रहरीं धाःगु दु ।