अमेरिकाय् नेवाः मस्तय् कय्ता पुजा
येँ (सन्ध्या टाइम्स)/अमेरिकाय् च्वंपिं नेवाःतय् संगठन नेवाः अर्गनाइजेशन अफ अमेरिका (एनओएं) अन च्वंपिं नेवाः मिजं मस्तय्त मंकाः कय्ता पुजा याइगु जूगु दु। कंस आइतवाः छगू धार्मिक ज्याझ्वःया दथुइ उगु भिंज्या याइगु खँ एनओएं धाःगु दु ।
ज्याझ्वः मेरिल्याण्डया ग्रेटर बाल्टिमोर टेम्पलय् जुइ। उगु कय्ता पुजा ज्याझ्वलय् भाजु वासव राजोपाध्यायं मूल पुजारीया रुपय् भिंज्या सम्पन्न यानादी ।
थ्व धार्मिक ज्याझ्वःपाखें अमेरिकाय् च्वंपिं सकलें नेवाःतय्त छथाय् हयाः छप्पँ याइगु आशा नं ग्वसाः खलकं याःगु दु ।
