वाईएमबीए ज्याझ्वः
यल (सन्ध्या टाइम्स)/युवक बौद्ध मण्डल, नेपाल, शनिवारिय उपसमितिया ग्वसालय् जुयाच्वंगु धर्मदेशना व बुद्ध पुजा वंगु शनिवाः नं जुल। असारया निगूगु शनिवाः लोक बहादुर शाक्यं धर्म निरपेक्ष राज्यया बारे नुगःखँ कनादिल। अथेहे स्वंगूगु व प्यंगूगु शनिवाः भाजु महेन्द्ररत्न शाक्यं बौद्ध कला विषयय् प्रवचन बियादिल ।
संस्थाया नायः हेरारत्न शाक्यया सभापतित्वय् जूगु उगु ज्याझ्वलय् पंचशील, बुद्धपुजा, पुण्यानुमोदन नं जूगु खः। ज्याझ्वः राजेश शाक्यया संयोजकत्वय् जूगु खः ।
अथेहे विपश्यना ध्यान उपसमितिया ग्वसालय् विपश्यना ध्यान जुल। भाइराजा शाक्यया संयोजकत्वय् आचार्य धर्ममान नेवाःपाखें संचालित उगु शिविरय् २८ म्ह साधकतय्सं ब्वति काःगु खः ।
