वार्ता असफल जुइवं मधेशी मोर्चा तटस्थ च्वनीगु

एकीकृत नेकपा (माओवादी) व मधेशी मोर्चा दथुइ जूगु वार्ता असफल जुइवं थौंया प्रधानमन्त्रीया निर्वाचनय् नं मधेशवादी दलत तटस्थ च्वनीगु जूगु दु ।

मोर्चां शुक्रवाः सुथय् सार्वजनीक याःगु १६ बुँदे आधार पत्रया बारे माओवादी व प्यंगू मधेशवादी दलत दथुइ जूगु वार्ताय् माओवादी १६गुलिं बुँदाय् सहमति प्वंकेमफेवं बैठक बिना निष्कर्ष क्वचाःगु खः । तर निगू पक्ष दथुइ जूगु वार्ता सकारात्मक जूगु व थप सहलह यानाः मेगू चरणया निर्वाचनया दुने सहमति मालेगु खँ क्वःछिउगु दु ।

मोर्चां शुक्रवाः सुथय् १६गू बुँदे आधारपत्र तयार यासें उगु आधारपत्रय् सहमति प्वंकीगु पार्टीया उम्मेदवारयात समर्थन यायेगु निर्णय याःगु खः । थ्वनापं थौं जुइगु प्रधानमन्त्रीया निर्वाचन पाखें नं न्हूगु प्रधानमन्त्री चयन मजुइगु निश्चित जूगु दु ।