१६ बुँदाय् सहमत जुइम्हेसित समर्थन : मधेशी मोर्चा
प्रधानमन्त्रीया निर्वाचनय् नेकपा (एमाले) तटस्थ च्वनेगु निर्णय लिपा निर्णय भूमिका दुपिं मधेशी मोर्चां थःपिनिगु १६ बुँदाय् सहमति प्वंकेगु दलयात समर्थन यायेगु निर्णय याःगु दु । शुक्रवाः मोर्चां तयार याःगु १६ बुँदे आधारपत्र न्ह्यब्वसें मधेशी नेतातय्सं उगु खँ धाःगु खः ।
शुक्रवाः सुथय् च्वंगु मोर्चाया बैठक लिपा छगू पत्रकार सम्मेलन यासें मोर्चां स्वंगू ब्वय् ब्वथलातःगु १६ बुँदा आधारपत्र सार्वजनीक याःगु खः । उगु आधारपत्रय् शान्ति व संविधान निर्माणय् ग्यारेन्टी याइगु दलया उम्मेदवारयात समर्थन यायेगु खँ न्ह्यथनातःगु दु । अथेहे आधारपत्रय् राज्य पुनर्संरचना आयोग गठन प्रति आपत्ति प्वंकूसें उच्चस्तरीय आयोग गठन यायेमाःगु खँ दुथ्याकातःगु दु ।
अथेहे आत्मनिर्णयया अधिकार सहित स्वायत्त मधेश प्रदेशया सुनिश्चितता मजुइमाःगु, न्हापा मधेशवादी दलत नाप जूगु २२ बुँदे व ८ बुँदे सम्झौता कार्यान्वयनया सुनिश्चितता, सेना लगायत सरकारी निकायलय् मधेशी आरक्षण सुनिश्चितता यायेमाःगु, मधेश क्षेत्रय् जुयाच्वंगु वन फडानी, फि व गिट्टी लगायत अवैध व्यापार दिकेमाःगु माग यानात:गु दु ।
