राष्ट्रपति-प्रधानमन्त्री खँल्हाबँल्हा

प्रधानमन्त्री पुष्पकमल दाहाल प्रचण्डं शुक्रवाः न्हिनय् राष्ट्रपति रामवरण यादवयात नापलाना खँल्हाबँल्हा यानादीगु दु । राष्ट्रपति भवन शितल निवासय् जूगु खँल्हाबँल्हाय् देय् या समसामयीक विषय खँ जूगु खः ।

घौच्छि जूगु खँल्हाबंलाय् राष्ट्रपतियात संविधान सभा उपनिर्वाचनया बारे जानकारी बियागु खँ प्रधानमन्त्री दाहालं संचारकर्मीतय्त कनादिल । अथेहे सेना संमायोजन निर्धारित ईलय् हे क्वचायेकेगु निंतिं ज्या जुयाच्वंगु जानकारी राष्ट्रपतियात बियादीगु खः । नापं संसद सुचारु यायेगु बारे नं राष्ट्रपति यादव व प्रधानमन्त्री प्रचण्ड दथुइ खँ जूगु खः ।

प्रधानमन्त्री प्रचण्डं यानादीगु नर्वे व फिनल्याण्ड भ्रमण बारे नं जानकारी बियाःगु खँ प्रम प्रचण्ड पत्रकारतय् कनादिल ।