पालि त्रिपिटक रञ्जना लिपिइ
यल (सन्ध्या टाइम्स)/ भगवान बुद्धं थःगु जीवनकालय् ४५ दँ तक देशना यानाबिज्याःगु धर्मोपदेश चय्च्याद्वः धर्मस्कन्धया संग्रह पवित्र बौद्ध धर्म ग्रन्थ त्रिपिटक मणिमण्डप विहार, यलया प्रमुख भिक्षु शीलभद्र महास्थवीरजुं नेवाः लिपि रञ्जना फन्टय् तयाः दकलय् न्हापां बुद्ध संवत् २५५४ (बि.सं. २०६७ असार २६ गते) स न्ह्यब्वयागु दावी यानाबिज्याःगु दु ।
बर्मा देशय् खुक्वःगु संगायना जूकथं विपस्सना रिसर्च इन्स्टिच्यूट धम्मागिरी, ईगतपुरी भारतपाखें सिडी दयेकातःगुयात भिक्षु शीलभद्रं २०५६ सालय् अट्ठटीका सहित रञ्जना लिपिया छन्दय् तयाबिज्याःगु खः ।
थुगु लिपि तिब्वत व चीनया बुद्ध धर्मय् नं तसकं छ्यलाबुलाय् वयाच्वंगु दु। धाइ, संयुक्त राष्ट्र संघय् थ्वहे लिपि क्यनाः नेपालं सदस्यता प्राप्त याःगु खः। थुकिया वेब साईट www.manimandap.com.np खः ।
