मानन्धरतय् उद्घोषण तालिम
येँ (सन्ध्या टाइम्स)/केन्द्रीय मानन्धर संघ अन्तर्गतया 'मिसा सीप व लजगाः उपसमिति' या ग्वसालय् न्ह्याःगु रेडियो उद्घोषण प्रशिक्षण ज्याझ्वः ताःलाक क्वचाल। वंगु असार १ गतेनिसें २५ गते संघया थःगु हे हलय् उगु तालिम जूगु खः ।
उपसमितिया संयोजक राधिका मानन्धर व रेडियो उपत्यका नेपालभाषा ज्याझ्वःया संचालिका शीला साय्मिपिनि सक्रियताय् उगु प्रशिक्षण ज्याझ्वः जूगु खः।
ज्याझ्वलय् प्रशिक्षक कथं प्रतिसरा साय्मि, सुरेश किरण मानन्धर, उदेन न्हूसाय्मि व प्रमिला मानन्धरपिंसं थीथी विषयय् प्रशिक्षण बियादीगु खः ।
ज्याझ्वलय् प्रशिक्षार्थी कथं शैलिना मानन्धर, लसता मानन्धर, लिपि मानन्धर, मंजिता मानन्धर, रजनी मानन्धर, कविता मानन्धर व सुशील मानन्धरपिंसं ब्वति कयादीगु खः। वय्कःपिंसं अन तालिम कयागु ज्ञानयात सम्बन्धित ख्यलय् सक्रिय जुयाः छ्यलेगु खँ कनादिल। सकलें प्रशिक्षार्थीतय्त लिपा छगू ज्याझ्वः यासें दसिपौ इनेगु खँ ग्वसाः खलकं धाःगु दु ।
