'धर्म संकट' क्वचाल
येँ (सन्ध्या टाइम्स)/नेवाः फिल्म मेकर्सं न्ह्याकूगु फिल्मया स्त्रिप्ट च्वयेगु, निर्देशन यायेगु कार्यशाला गोष्ठी धुंकाः चीहाकःगु संकिपा दयेकेगु झ्वलय् हरिकृष्ण तण्डुकारया च्वसा व वय्कः लिसें बासु शाहीया निर्देशनय् तयार याःगु फिल्म "धर्म संकट" या शुटिङ्ग क्वचाःगु दु ।
हरिकृष्ण तण्डुकार, अमिता जोशी, रुपकेशरी शाक्य, सुरोज महर्जन, स्वतन्त्र महर्जन, मणी महर्जन, श्रृजना तण्डुकार, रोजीन महर्जनपिंसं उगु संकिपाय् अभिनय यानादीगु खः ।
थुगु चीहाकःगु संकिपाया छायाङ्कन नरेश शाही, समाः इशारा महर्जन, सम्पादन स्वतन्त्र महर्जन, लाइटम्यान रोजिन महर्जन, विशेष ग्वाहालि रवि महर्जनं यानादीगु खःसा थुकिया निर्मात्रीद्वय शुभ तण्डुकार व मिन्जु शाही खः ।
