माओवादीं प्रधानमन्त्रीया लागि एमालेयात समर्थन याइगु

एकीकृत नेकपा माओवादीं न्हूम्ह प्रधानमन्त्री चयनया निर्वाचनय् नेकपा एमालेयात समर्थन याइगु जूगु दु । पार्टी केन्द्रीय कार्यालय पेरिस डाँडाय् थौं सुथय् च्वंगु पदाधिकारी बैठकं एमालेया प्रधानमन्त्री उम्मेदवार झलनाथ खनालयात समर्थन यायेगु निर्णय याःगु खः ।

यदि एमालें थःगु पक्षय् दुई तिहाई बहुमत खाके मफइगु जुल धाःसा माओवादी अध्यक्ष प्रचण्डं थःगु उम्मेदवारी लित मकायेगु धाःगु दु ।

व्यवस्थापिका संसदय् माओवादीया २ सय ३७ व एमालेया १ सय ९ सिट संख्या दु । दुई तिहाइ थ्यंकेत एमालेयात थप ५५ मत माः । माओवादी निर्णयलिपा एमालें मधेसवादी दलतलिसे खँल्हाबल्हा ब्याकेगु क्रम तीव्र याःगु दु ।