संविनाध सभा उपनिर्वाचनया मतदान जुयाच्वन
संविनाध सभा उपनिर्वाचनया मतदान शुक्रवाः सुथय् निसें न्ह्याःगु दु । न्याःगु जिल्लाया खुगू निर्वाचन क्षेत्रय् मतदान जुयाच्वंगु दु ।
सुथय् च्याताः ईलंनिसें मनूत ल्हा:ति नागरिकता प्रमाण पत्र ज्वना भोत र्कूकेत पाः च्वनाच्वंगु दु । मतदान सनिलया न्याताः ईलय् तक जुइ ।
मोरङ्ग क्षेत्र नं ५ व ७, धनुषा ५, कास्की १, रोल्पा २ व कन्चनपुर ७य् उप निर्वाचनया मतदान जुयाच्वंगु दु । सच्छि व स्वीगुम्ह स्वतन्त्र व पार्टीया उम्मेदवारतय्सं खुगू निर्वाचन क्षेत्रय् थःगु उम्मेदवारी ब्यूगु दु गुकी झिम्ह मिसात दु ।
उपनिर्वाचन जूगु थासय् शुक्रवाः सरकारं सार्वजनिक बिदा ब्यूगु दु । नेपाली कांग्रेसया सभापति गिरिजाप्रसाद कोइरालां मोरङ्ग क्षेत्र नं ७या आदर्श उच्च मावि वनाः थःगु भोट र्कुकूगु खः ।
अथेहे कास्कीया क्षेत्र नं १या झिंछगू मतदान केन्द्रया मेशिन स्यंगुलिं छुं ईया निंतिं मतदान लिछ्याःगु खः । लिपाः येँय् नं हेलिकप्टरय् तायाः मेशिनं अनः थ्यंकेवं मतदान न्ह्याःगु खः ।
