इन्द्रवर्ण महाविहारया साधारण सभा
ख्वप (सन्ध्या टाइम्स)/श्री इन्द्रवर्ण महाविहारया साधारण सभा व अधिवेशन वंगु शनिवाः क्वचाल। साधारणसभां न्यादँया निंतिं झिंखुम्हेसिया न्हूगु ज्यासना पुचः नीस्वंगु दु ।
उगु ज्यासना पुचलय् छसिकथं नायः, न्वकु, छ्याञ्जे, लिउ छ्याञ्जे दांभरिं व लिउ दांभरि बसन्तराज शाक्य, पुन्यराज शाक्य, अष्टरत्न शाक्य, मणिष शाक्य आयुबज्र शाक्य, जीवन शाक्य च्वनादीगु खः। अथेहे ज्यासना पुचलय् दुजः कथं छसिकथं अष्टराज शाक्य, चन्द्रराज शाक्य, पुष्पराज शाक्य, ज्ञानेन्द्ररत्न शाक्य, राकेश शाक्य, विकासमान शाक्य, सरोज शाक्य, पुण्यरत्न शाक्य, रमेश शाक्य व योगेन्द्र शाक्यपिं च्वनादीगु दु ।
लिसें थुगु हे साधारण सभां उगु विहारया जीर्ण जुयाच्वंगु क्वाःपाःद्यः छेँ हाकनं बांलाक दयेकेया निंतिं दुजःपिंके हापं कायेगु ज्या नं न्ह्याकूगु खः ।
