कांग्रेस व एमालें माकः प्रवृत्ति क्यनाच्वंगु मन्त्री भट्टराईया द्वपं
एकीकृत नेकपा माओवादीया नेता व अर्थमन्त्री डा. बाबुराम भट्टराईं कांग्रेस व एमालें चीचीधंगु खँय् कांग्रेस व एमालें संसद अवरुद्ध याना माकः प्रवृत्ति क्यनाच्वंगु खँ धयादीगु दु ।
नेपाः थःपिंसं नं मदेकीगु व मेपिंतः नं देयेके मबीगु माकः प्रवृति क्यानाच्वंगु वयेकया धापू दु । कांग्रेस व एमालेया पहयात माओवादी नेता भट्टराईं महाफट्टा व माक प्रवृत्तिया संज्ञा बियादिल । सरकारं ज्याय याये चाहे जुसां ज्याय् पंग थनेगु संस्कृतिया कारणं अपेक्षा यानाः कथं ज्या याये मफयाच्वंगु खँ कनादिल ।
बिहिवाः नेपाल इन्जिनियरिङ पूर्वाधार विकास समाजं याःगु छगू कार्यशाला गोष्ठीइ न्ववानादीसें नेता भट्टराईं राज्यया पुर्नसंरचना बहस वस्तुवादी ढंग जुइमा धयादिल । 'इन्जिनियरिङ ढंगं व्याख्या जुइमाः ।' ज्याझ्वलय् वयेकलं धयादिल - 'इन्जिनियरिङय् जकः वस्तुवादी व वैज्ञानिक विश्लेषण जुइ । मेगु क्षेत्रय् भावनात्मक खँत अप्वः जुइ ।'
मॆमेगु दलतय्सं आः तकः नं राज्य पुर्नसंरचनाया खाका न्ह्यब्वये मफयाच्वंगु धासें नेता भट्टराईं माओवादीं चुनाव न्ह्यः हे खाका न्ह्यब्वयाःगु खः धयादिल । राज्य पुर्नसंरचना यायेगु ईलय् भूगोल व आर्थिक सवलताया खँय् विशेष ध्यान बीमाःगु खँ बः बियादिल ।
अथेहे मेगु छगू ज्याझ्वलय् न्ववासें मन्त्री भट्टराईं बन्द व हडताल दिकेगु लागिं न्हूगु कानुन याकनं हे हेयेत्यनाःगु खँ धयादिल ।
