थौं प्रधानमन्त्रीया उम्मेदवारी दर्ता
बहुमतीय आधारय् न्हूम्ह प्रधानमन्त्री ल्ययेगु निंतिं थौं संसदय् उम्मेदवारी दर्ता यायेगु ज्याझ्वः दु । कन्हय् संसदय् जुइगु प्रधानमन्त्रीया निर्वाचनया निंतिं थौं संसदया सचिवालयल् सुथय् ११ बजे निसें ५ बजे तक उम्मेदवारी दर्ता यायेगु ई क्वःछिनातःगु दु ।
राष्ट्रपति डा. रामवरण यादवं वंगु असार २८ गते अन्तरिम संविधानया धारा ३८ (२) कथं बहुमतीय आधारय् प्रधानमन्त्रीया निर्वाचन यायेत आह्वान यानादीगु खः । राष्ट्रपति यादवं बहमुतीय आधारय् प्रधानमन्त्रीया निंतिं आह्वान यानादीसां राजनीतिक दलतय्सं बमुहतीय आधारया दुने हे सहमतिया कथं न्हूगु सरकार गठन यायेगु धाःसां आः तक सहमति जुइमफुनी ।
थ्वहे दथुइ निगू तःधंगु दल एनेकपा (माओवादी) व नेपाली कांग्रेसं बहमुतीय आधारय् हे थःगु नेतृत्वय् न्हूगु सरकार गठन यायेत सहलह तीव्र यानायंकूगु दु । उखे एमाले नं प्रमया उम्मेदवारी दर्ता यायेगु निंतिं आन्तरिक सहलहलय् व्यस्त जुयाच्वंगु दु ।
