विद्यार्थीपाखें शिक्षा मन्त्रालय घेराउ
येँ (सन्ध्या टाइम्स)/१३ गू विद्यार्थी संगठनया आह्वानय् सलंसः विद्यार्थीतय्सं थौं सुथंनिसें लैनचौरया शिक्षा मन्त्रालय घेराउ याःगु दु ।
प्रविणता प्रमाणपत्र तहया भर्ना थत्थें हे कायेमाःगु माग यासें विद्यार्थीतय्सं शिक्षा मन्त्रालयया ज्या हे ठप्प जुइगु कथं धर्ना च्वंगु खः। धर्ना ज्याझ्वः कन्हय् नं जुइगु खँ विद्यार्थीतय्सं धाःगु दु ।
अखिल क्रान्तिकारी, नेवि संघ, अनेरास्ववियु नापं थीथी राजनीतिक पार्टीया विद्यार्थी संगठनत जानाः आन्दोलनया झ्वलय् कन्हय् नं शिक्षा मन्त्रालय घेराउ यायेगु ज्याझ्वः तयातःगु दुसा म्हिगः त्रिविया पदाधिकारी व उच्च मावि परिषदया पदाधिकारीया ज्याकुथी तालं ग्वया बिउगु खः ।
