संविधान सभा उपनिर्वाचनया उम्मेदवार साह अपहरित

संविधान सभा उपनिर्वाचनय् नेकपा मालेया उम्मेदवार सन्तोष साह अपहरित जूगु दु । मालेपाखें धनुषा क्षेत्र नं ५य् उम्मेदवारी ब्यूम्ह साहयात बिहिवाः सुथय् धनुषाया बिन्धीं अपहरण या:गु खः ।

अपहरणया जिम्मा भुमिगत पुच: तराई राष्ट्रिय मुक्ति सेनां काःगु दु । उगु भुमिगत पुचया संयोजक आकाश त्यागीं स्थानीय संचार माध्यमयात फोन यानाः अपहरणया जिम्मेवारी काःगु खः । तर प्रहरीं धाःसाः थ्व घटनाया बारे छुं जानकारी मदुगु खँ धाःगु दु ।

धनुषाय् शुक्रवाः उपनिर्वाचन जुइत्यंगु दु ।