सहमति मजूसा माओवादीं खनालयात समर्थन याइगु
एकीकृत नेकपा (माओवादीं) थःगु नेतृत्वया सरकारय् सहमति मजूसा नेकपा (एमाले)या अध्यक्ष झलनाथ खनालयात प्रधानमन्त्रीया निंतिं समर्थन यायेगु निर्णय याःगु दु ।
सोमवाः माओवादीया पदाधिकारीतय् बैठकं थःगु हे नेतृत्वया सरकारया निंतिं कन्हय् तक कुतः यायेगु व सहमति मजुसाः खनालयात समर्थन यायेगु निर्णय याःगु दु । एमाले पाखें प्रधानमन्त्रीया निंतिं उम्मेदवार ल्ययेत केन्द्रीय कमिटीया बैठक च्वनाच्वंगु इलय् माओवादीं खनालयात समर्थन यायेगु निर्णय याःगु दु ।
माओवादीं नेपाली कांग्रेस राष्ट्रिय सरकारया विपक्षय् वनाः थःगु नेतृत्वय् बहमुतीय सरकार गठन यायेत लबिङ्ग यानाच्वंगुलिं वया नेतृत्वया सरकारयात समर्थन यायेमफइगु खँ धाःगु दु । माओवादीं न्हूगु सरकारया नेतृत्वय् थःगु पार्टीया दावीयात यथावत दुगु धासें न्हूगु सरकार सहमतिय माध्यमं हे जुइमाःगु पक्षय् दुगु खँ धाःगु दु ।
