पार्टीया निर्णय यायेगु जिम्मा गच्छदारयात

मधेशी जनअधिकार फोरम (लोकतान्त्रिकं) न्हूगु सरकारया बारे निर्णय यायेगु जिम्मा पार्टी अध्यक्ष विजयकुमार गच्छदारयात ब्यूगु दु । सोमवाः च्वंगु पार्टी संसदीय दलया बैठकं सरकारया निर्णय यायेगु लगायत दक्वं राजनीतक समस्याया बारे निर्णय यायेगु जिम्मा पार्टी अध्यक्ष गच्छदारयात ब्यूगु खः ।

उखे सद्भावना (आनन्दीदेवी) पार्टीं प्रमुख स्वंगू दलं प्रधानमन्त्रीया निंतिं सहमति यायेमफुसाः थःगु पार्टीयात प्रधानमन्त्री पद बीमाःगु माग याःगु दु । सद्भावनां जनआन्दोलन निसें मधेश आन्दोलन तक थःगु पार्टीं महत्वपूर्ण भूमिका म्हितुगुलिं प्रधानमन्त्री पदय् थःगु पार्टीं दावी यायेगु बल्लागु आधार दुगु खँ धाःगु दु ।