थनिनिसें जनजातिया आन्दोलन
येँ (सन्ध्या टाइम्स)/नेपाल आदिवासी जनजाति महासंघं जाति, भाषा व ऐतिहासिकताया आधारय् जातीय स्वायत्तता लगायत स्वशासनया माग यानाः थनिंनिसें आन्दोलन न्ह्याकूगु दु ।
लछि तक न्ह्याकीगु उगु घोषित ज्याझ्वः कथं थौं प्रधानमन्त्री व संविधानसभाया अध्यक्षयात ज्ञापनपत्र बीगु व पिने जिल्लाया हकय् अनया हे जिल्ला प्रशासन अधिकृतया माध्यमं ज्ञापनपत्र बीगु ज्याझ्वः तयातःगु दु। थःपिंसं धया कथं हे संघीय प्रणाली दयेकेमाःगु खँ उकी धयातःगु दु ।
घोषित ज्याझ्वः कथं कन्हय्निसें प्रचार प्रसार नापं कोणसभा याइगु जूगु दुसा वइगु २९ गते देय्न्यंकं मसाल जुलुस अले ३० गते राजधानीयात नाकाबन्दी यायेगु धकाः घोषणा यानातःगु दु ।
