सरकार असफल यायेगु षडयन्त्र जुयाच्वंगु दु : प्रम प्रचण्ड
प्रधानमन्त्री पुष्पकमल दाहाल प्रचण्डं सरकारयात असफल यायेत थीथी कथंया षडयन्त्र जुयाच्वंगु खँ धयादीगु दु ।
बिहिवाः सुथय् प्रधानमन्त्री निवास बालुवाटारय् नागरिक समाजया प्रतिनिधित नापलाय्गु झ्वलय् वयेकलं सरकारं सकारात्मक ज्या यासां सत्ता साझेदर दल एमालें हे उकीया विरोध याना सरकार संचालन यायेत थाकूइका बीगू खँ धयादीगु दु ।
नागरिक आन्दोलनया प्रतिनिधितय्सं प्रधानमन्त्रीयात संविधान च्वयेगु ज्या ईलय् हे मसिधसाः दुर्घटना जुइफगु पाखे ध्यानाकर्षन याःगु खसाः लिसलय् प्रम प्रचण्डं शान्ति प्रकि्रयात व संविधान च्वयेगु ज्याय् थः अतिकं चिन्तित व प्रतिवद्ध दुगु खँ कनादिल ।
अथेहे नागरिक समाजया प्रतिनिधितय्सं प्रधानमन्त्रीं सोमवाः खुल्लमंचय् न्ववानादीगु बारे नं न्ह्सः तयादीगु खः । नागरिक समाजं न्हूगु संविधान मच्वःतल्ले देया जिम्मेवार नेतातय्सं अज्याःगु न्ववाये मज्यू धाःगु खँयात प्रधानमन्त्री दाहालं गवलें गवलें अज्याःगु खँ न्ववायेगु मं मदुसां न्ववायेत बाध्य जुइगु खँ धयादिल । नापं गुलेखें खँत मिडियां नं ब्यक्वयेका च्वयेय धयादिल ।
