भिक्षु तपस्सीधम्मया ४० दँ बुन्हि

येँ (सन्ध्या टाइम्स)/चाबहीया अशोक चारुमति स्तुप विहारया प्रमुख भिक्षु तपस्सीधम्म स्थविरया ४० दँ बुन्हि थीथी ज्याझ्वः यासें न्यायेकल। बुन्हि हनेत नीस्वंगु शुभजन्मोत्सव कमिटीपाखें थ्व लसताय् शारीरिक रुपं अपांगतय्त हिवल चियर, लं सुइगु मेसिन व असहाय विद्यार्थी मस्तय्त कापीकलम इना बीगु ज्याझ्वः याःगु दु।ज्याझ्वलय् नेपाःया निंतिं श्रीलंकाया राजदूत नापं नेपाली फिल्म ख्यःया नांजाःपिं कलाकारतय्सं नं ब्वति काःगु खः ।