संविधानसभाया न्हूगु कार्यतालिका पारित

वइगु चैत दुने संविधान निर्माण यायेगु संविधानसभाया न्हूगु कार्यतालिका सर्वसम्मतिं पारित जूगु दु । स्वलाः लिपा आइतवाः न्हिनय् च्वंगु संविधानसभाया बैठकं न्हूगु कार्यतालिका सर्वसम्मतिं पारित याःगु दु । न्हगू कार्यतालिका कथं साउन दुने प्रारम्भीक मस्यौदाय् दुगु विवाद चीकेगु, उगु ई दुने नं विवाद मज्यंसाः भदौ १५ दुने भोटिङ यानाः जुसां संविधान निर्माण प्रकृया न्ह्याकेगु व चैत दुने संविधान निर्माण यायेगु ज्याझ्वः दु ।

संविधानसभाया बैठक च्वनेस्वयां न्ह्यः २५गूलिं दलयात सःता संविधानसभा अध्यक्ष सुवासचन्द्र नेम्वाङं उकीया बारे जानकारी बियादीगु खः ।