प्रचण्डया विकल्प खुल्ला

एकीकृत नेकपा （माओवादीं) प्रधानमन्त्रीया निंतिं थःगु पार्टी पाखें अध्यक्ष पुष्पकमल दाहाल 'प्रचण्ड'या विकल्प खुल्ला याःगु दु ।

कोटेश्वर पेरिस डाँडा स्थित माओवादी मू ज्याकूथीइ शनिवाः च्वंगु पार्टी स्थायी समितिया बैठकं सहमतिया निंतिं प्रचण्डया विकल्प खुल्ला याःगु खः । सहमतिया वातावरण न्यून जुयावंगु धासें माओवादीं थःगु हे पार्टीया नेतृत्वय् न्हूगु सरकार गठन यायेगु तर उकीया नेतृत्व याइम्ह व्यक्तिया विषयलय् लचकता क्येफइगु खँ धाःगु दु ।

सहमतिया आधारय् सरकार गठन मजूसा बहुमतीय आधारय् सरकार गठन यायेगु निर्णय माओवादीं याःगु दु । तर माओवादीं अन्तिम ई तक सहमतिय आधारय् न्हूगु सरकार गठन यायेगु निर्णय नं याःगु दु