प्रमया निंतिं कांग्रेस पाखें पौडेल उम्मेदवार
नेपाली कांग्रेस पाखें प्रधानमन्त्रीया निंतिं पार्टी संसदीय दलया नेता रामचन्द्र पौडेलयात प्रधानमन्त्रीया निंतिं उम्मेदवार दयेकेगु निर्णय याःगु दु ।
शनिवाः सुथय् च्वंगु कांग्रेस केन्द्रीय कार्यसमितिया बैठकं पौडेलया नांमय् सहमति प्वंकूगु दु । कांग्रेस पाखें प्रधानमन्त्रीया निंतिं उम्मेदवार दावी यानाच्वंपिं पौडेल, वरिष्ठ नेता शेरबहादुर देउवा व महामन्त्री कुलबहादुर गुरुङ मध्ये बैठकं पौडेलया नांमय् सहमति याःगु दु । कांग्रेसं थःगु विधान कथं संसदीय दलया नेता हे प्रधानमन्त्री जुइगु प्रावधान दुगुलिं पौडेलयात प्रधानमन्त्रीया उम्मेदवार दयेकेगु निर्णय याःगु खः ।
कांग्रेसं माओवादी व एमाले नेतृत्वया सरकार असफल जुइधुंकूगुलिं थःगु हे नेतृत्वय् सरकार गठन यायेगु निर्णय यासें पौडेलया नां न्ह्यने सारे याःगु दु । बैठक लिपाः कांग्रेस वरिष्ठ नेता शेरबहादु्र देउवां सहमतिया वातावरण निर्माण यायेत व शान्ति व संविधान निर्माण यायेत प्रधानमन्त्रीया निंतिं पार्टी दुने थम्हं हे पौडेलया नां प्रस्ताव यानागु कनादिल ।
