पोखराय् हाकूगु प्लास्टिकया झोला प्रतिबन्ध

प्लास्टिकया झोला स्वास्थ्यया निंतिं हानिकारक जूगु धासें पोखरा उप-महानगरपालिकां थंनिनिसें प्रतिबन्ध याःगु दु । नकतिनि क्वचाःगु उप-महानगरपालियाया १४गू नगरपरिषद्या बैठकं हाकूगु प्लास्टिकय् प्रतिबन्ध यायेगु निर्णय यायेवं उपमहानगरपालिकां थुकीयात थंनिनिसें लागु याःगु खः । प्लास्टिक प्रतिबन्ध यायेगु निंतिं उपमहानगरपालिकां थीथी सरोकारवाला पक्ष नाप सहलह याःगु दुसाः थुकीया निंतिं जनचेतना ब्वलंकीगु ज्याझ्वः नं याइगु जूगु दु । हाकूगु प्लास्टिक छ्यलीपिंत उप-महागरपालिकां झिंन्याद्वः तक जरिवाना नं काइगु जूगु दु ।