न्हूगु सरकारया नेतृत्वय् ‍‍‍‍कांग्रेसया दाबी

नेपाली कांग्रेसं न्हूगु गठन जुइगु सरकारय् थःगु पार्टीं नेतृत्व यायेदये माःगु माग याःगु दु । बिहीवाः च्वंगु कांग्रेस केन्द्रीय दुजःया बैठकं शान्ति प्रकृया व संविधान निर्माण क्वचायेकेत कांग्रेसं सरकारया नेतृत्व यायेमाःगु दाबी याःगु दु ।

माओवादी व एमालें सरकारया नेतृत्व याःगु इलय् शान्ति व संविधान निर्माणया विषययात पूवंकेमफुगुलिं आः कांग्रेसं हे सरकारया नेतृत्व यायेमाःगु निर्णय याःगु दु । न्हूगु सरकार गठनया निंतिं बहुमतीय आधारय् वनेधुंकूसां कांग्रेसं थःगु नेतृत्वया सरकार गठनया निंतिं बहुमतीया आधार दुने नं सहमति मालेगु निर्णय याःगु दु ।

कांग्रेस दुने पार्टी संसदीय दलया नेता रामचन्द्र पौडेल, वरिष्ठ नेता शेरबहादुर देउवा व महामन्त्री कुलबहादुर गुरुङं प्रधानमन्त्री पदया निंतिं दाबी यानाच्वंगु दु ।