आयोग गठनया निर्णयप्रति झिंन्हय्गू दलया आपत्ति

संविधानसभाय् दुथ्याःगु झिंन्हय्गू दलं राज्य पुनर्संरचना गठन यायेगु धकाः प्रमुख स्वंगू दलतय्सं प्वंकूगु सहमति प्रति आपत्ति प्वंकूगु दु ।

बिहीवाः सिंहदरवार स्थित सद्भावना पार्टीया संसदीय ज्याकूथीइ च्वंगु झिंन्हय्गू दलया बैठकय् झिंन्हय्गू दलं आयोग गठन बारे प्रमुख स्वंगू दलं संविधानसभाय् दुथ्याःगु दक्वं दल नाप सहलह मयायेकं राज्य पुनर्संरचना थंज्याःगु गम्भीर विषयलय् निर्णय यागुलिं थःपिंत स्वीकार्य मजुइगु खँ याःगु दु ।

अथेहे बैठकं न्हूगु सरकार गठन यायेत बहुमतीय पद्धतिलय् वंसां राजनीतिक सहमति यानाः वनेमाःगु खँय् बः ब्यूगु दु ।