गोठाटार गोलीकाण्डया मुख्य अभियुक्त ज्वन

ख्वपया गोठाटार गोलीकाण्डया मुख्य अभियुक्त रत्न लामायात बुधवाः प्रहरीं ज्वंगु दु । वंगु माघ ६ गते जूगु गोलकाण्डय् छम्ह मचा सीवं बेपत्ता जूम्ह लामायात बुधवाः भ्वँत ज्वंगु दु । जिल्ला विकास समितिं आह्वान याःगु टेण्डरया विषयलय् सहलह यायेत मंगलवाः येँ नं भ्वँत वंगु लामायात प्रहरीं ज्वंगु ख: ।

निर्माण व्यवसायी संघ काभ्रेया अध्यक्ष नापं माओवादी जिल्ला समिति काभ्रेया सल्लाहकार लामा लगायतं वंगु माघ ६ गते सतकय् फि तयातःगु सामान्य विवादय् गोलीं क्येकूगु खः । गोलीं लानाः झिदँया सन्तोष कार्की सीगु खःसा मेपिं स्वम्ह घाःपाः जूगु खः ।