न्हय्म्ह दुजः दुगु राज्य पुनर्संरचना आयोग

प्रमुख स्वंगू दलत दथुइ न्हय्म्ह दुजः दुगु राज्य पुनर्संरचना आयोग गठन यायेगु सहमति जूगु दु ।

बुधवाः न्हू बानेश्वर स्थित संविधानसभा भवनय् च्वंगु एनेकपा (माओवादी), नेपाली कांग्रेस व नेकपा (एमाले)या बैठकय् विज्ञत दुथ्याःगु आयोग गठन यायेगु व उगु आयोगयात निलाया ई बीगु सहमति जूगु दु । न्हय्म्ह दुजःया नां धाःसा संविधानसभाय् दुथ्याःगु दक्वं दलत नाप सहलह यानाः क्वःछीगु निर्णय याःगु दु ।

संविधानसभा अध्यक्ष सुवासचन्द्र नेम्वाङया उपस्थितिइ च्वंगु स्वंगू दलया बैठकय् संविधानसभाया कार्यतालिकाया बारे नं सहलह जुइगु ज्याझ्वः दुगु खःसां उकीया बारे धा:सा कन्हय् च्वनीगु बैठकय् जक सहलह यायेगु खँ क्वःछिउगु दु ।