वामदेव खनाल नेतृत्वया सरकारया पक्षय्
नेकपा (एमाले)या उपाध्यक्ष वामदेव गौतमं आः गठन जुइगु राष्ट्रिय सहमतिय सरकारया नेतृत्व थःगु हे पार्टीया अध्यक्ष झलनाथ खनालं याइगु खँ धयादीगु दु । धनगढीलय् सोमवाः जूगु पत्रकार सम्मेलनय् वय्कलं कांग्रेसं सरकारया नेतृत्व याःसा माओवादीं उकी ब्वति मकाइगु सम्भावना दुगुलिं एमाले अध्यक्ष खनाल हे प्रधानमन्त्रीया निंतिं सर्वस्वीकार्य व्यक्ति जूगु धयादिल ।
वय्कलं माओवादी नाप पार्टीया सेना दुगुलिं वया नेतृत्वया सरकार स्वीकार यायेमफइगु धयादिसें माओवादी कांग्रेस व एमाले थें निशस्त्र जुइधुंकाः जक माओवादी नेतृत्व स्वीकार्य जुइगु धयादिल । वय्कलं माओवादीं नं खनाल नेतृत्वया सरकार स्वीकार याइगु विश्वास प्वंकादिल ।
बहुमतीय सरकारं देय्या समस्या समाधान यायेमफइगु खँय् बः बियादिसें नेता गौतमं खनाल नेतृत्वया सरकार बहुमतय आधारय् जुसां उगु सरकार सहमतिय आधारय् गठन जुइगु दावी यानादिल । वय्कलं खनाल नेतृत्वया सरकारं संविधान निर्माण व शान्ति प्रकृयायात पूवंकीगु नं धयादिल ।
अथेहे मेगू छगू प्रशंगय् वय्कलं अनमिन तटस्थ संस्था जूगुलिं वया विरोध यानाच्वनेगुया छुं अर्थ मदुगु धयादिल ।
