झिंस्वंगू विद्यार्थी संगठनया ज्ञापनपत्र
थीथी राजनीतिक दलनाप स्वापु दुगु झिंस्वंगू विद्यार्थी संगठनतय्सं उच्चमावि शिक्षा परिषद्य् उच्च माविया सुधारया माग यासें ज्ञापनपत्र लःल्हाःगु दु । बुधवाः झिंस्वंगू विद्यार्थी संगठनया प्रतिनिधित उच्चा मावि परिषदय् वनाः उगु ज्ञापनपत्र लःल्हाःगु खः ।
ज्ञापनपत्रय् प्रत्येक सामुदायिक उच्च माविलय् छगू संकायलय् न्यूनतम न्याम्ह शिक्षक व प्यम्ह कर्मचारीया स्थायी दरबन्दी यायेमाःगु, प्रत्येक निर्वाचन क्षेत्रय् पूर्ण सरकारी अनुदान प्राप्त जूगु म्होति नं छगू विज्ञान संकाय सहितया सामुदायिक उच्च मावि स्थापना यायेमाःगु, उच्चमाविया व्यापारीकरण अन्त्य यायेमाःगु लगायत माग यानातःगु दु ।
विद्यार्थीतय्सं थःपिनिगु ज्ञापनपत्र त्रिवि, शिक्षा मन्त्रालययात नं लःल्हाइगु जूगु दु । विद्यार्थी संगठनतय्सं थःपिनिगु माग साउन १ गते तक नं पूमवंसा आन्दोलन यायेगु ख्याच्वः ब्यूगु दु ।
