चिचीधंगु दलया थौं बैठक
येँ (सन्ध्या टाइम्स)/संविधानसभाय् दुगु चिचीधंगु दलतय्गु थौं मंकाः बैठक च्वनीगु जूगु दु। सहमतीय सरकार दयेके मफयाः बहुमतीय प्रणालीइ वनेधुंकूगु अवस्थाय् थःपिनिगु भूमिकाया बारे सहलह ब्याकेत थौं अथे चिचीधंगु दलया बैठक च्वनेत्यंगु खः। सिंहदरवारया तराई मधेश लोकतान्त्रिक पार्टीया संसदीय दलया ज्याकुथी उगु बैठक च्वनेत्यंगु खः ।
बैठकय् नेपाल सद्भावना पार्टी, मधेशी जनअधिकार फोरम लोकतान्त्रिक, चुरेभावर पार्टी, नेकपा (माले) नापं झिगुलिं मल्याक चीधंगु दलया नेतातय्सं ब्वति काइगु खँ धाःगु दु। म्हिगः नं चिचीधंगु दलया बैठक च्वनेगु धाःसां संसद दुगुलिं स्थगित यायेमाःगु खः। थ्वहे झ्वलय् राष्ट्रिय प्रजातान्त्रिक पार्टी नेपालया नं थौं हे बैठक च्वनीगु जूगु दु ।
