साउन ५ गते प्रधानमन्त्रीया निंतिं निर्वाचन

न्हूम्ह प्रधानमन्त्री चयनया निंतिं वइगु साउन ५ गते संसदतय् मतदान जुइगु जूगु दु । सहमतिय सरकार गठन यायेत राष्ट्रपति डा. रामवरण यादवं बियादीगु ई क्वचायेवं बहुमतया आधारय् प्रधानमन्त्रीया निर्वाचन जुइत्यंगु खः ।

मंगलवाः च्वंगु कार्यव्यवस्था परामर्श समितिया बैठकं साउन ५ गते प्रधानमन्त्रीया निर्वाचन यायेगु निर्णय याःगु ख: । बैठकं प्रधानमन्त्रीया मनोनयन दर्ता साउन ४ गते दुने तकया ई बीगु निर्णय याःगु दु ।

राष्ट्रिय सहमतिया आधारय् न्हूगु सरकार गठन यायेत राजनीतिक दलत असफल जुइवं राष्ट्रपति यादवं अन्तरिम संविधानया धारा ३८ (२) कथं बहुमतया आधारय् प्रधानमन्त्री चयनया प्रकृया न्ह्याकेत व्यवस्थापिका संसदयात सोमवाः पौ छ्वयादीगु खः ।