एमआरपी ठेक्काया भ्वँ लःल्हायेत लेखया निर्देशन

व्यवस्थापिका संसद अन्तर्गतया सार्वजनिक लेखा समितिं मेसिन रिडेवल पासपोर्ट (एमआरपी)या ठेक्क प्रकृयाया दक्वं भ्वँ न्यान्हुया दुने लःल्हायेत परराष्ट्र मन्त्रालययात निर्देशन ब्यूगु दु ।

मंगलवाः समितिं परराष्ट्र मन्त्रालयया अधिकारीत नाप एमआरपीया ठेक्काया बारे न्यनेकने याःगु खः । उगु इलय् परराष्ट्र मन्त्रालयया अधिकारीतय् लिसः उपयुक्त मजूगु धासें ठेक्कया भ्वँ लःल्हायेत निर्देशन ब्यूगु खः । बैठकय् समितिया दुजःतय्सं परराष्ट्र मन्त्रलायं पासपोर्ट छापे यायेबीगु निर्णय या:गु फ्रन्सेली कम्पनी ओबर्थर टेक्नोजिजं एमआरपीं मुद्रण यायेमफइगु द्वपं ब्यूगु ख: ।