प्रधानमन्त्रीलिसें खुम्ह माओवादी नेतात विरुद्ध अदालतया अपहेलना मुद्दा
सर्वोच्च अदालतया विरोध याःगु धासें प्रधानमन्त्री पुष्पकमल दाहाल 'प्रचण्ड' नापं एकीकृत नेकपा (माओवादीया) खुम्ह नेतात विरुद्ध अदालतया अपहेलना सम्बन्धि मुद्दा दायर याःगु दु ।
बुधवाः पत्रकार मुरारीराज शर्मां प्रधानमन्त्री दाहाल नापं माओवादीया नेता नापं अर्थ मन्त्री डा. बाबुराम भट्टराई, माओवादी सचिवालय् दुजः नारायण काजि श्रेष्ठ, संविधान सभाया दुजःत सालिकराम जमकटेल, चन्द्र बहादुर थापा व एकराज भण्डारीया विरुद्ध मुद्दा दर्ता याःगु खः ।
शर्मां माओवादी नेतातय्सं सर्वोच्च अदालत विरुद्ध जुलुस, गोष्ठी व न्ववाःगु धासें मुद्दा दर्ता याःगु खः । माओवादी नेतातय्सं सरकारं च्याम्ह सैनिक जनरेलतय्त अवकाश ब्यूगु विरुद्ध सर्वोच्चं अन्तरिम आदेश जारी यायेवं सर्वोच्चया विरोध याःगु खः ।
सर्वोच्चं वंगु चैत १० गते सरकारया नांमय् अन्तरिम आदेश जारी याःगु खसाः वयाः कने खुन्हु हे सर्वोच्चया अन्तरिम आदेश बदर यायेत माग यासें तत्कालीन रक्षासचिव वामनप्रसाद न्यौपानें निवेदन ब्यूगु खः । बुधवाः निसें थ्व मुद्दा बसह न्ह्याःगु दु ।
