हत्या विरुद्ध राजमार्ग ठप्प

येँ (सन्ध्या टाइम्स)/मिनीबस चालकयात गोलीं कयेकाः स्याना बिउगु विरोधय् थौं सुथंनिसें अरनिको राजमार्ग ठप्प जूगु दु। यातायात मजदूरतय्सं अरनिको राजमार्गया थाय्थासय् विरोध प्रदर्शन यासें यातायात ठप्प याना बिउगु खः। काभ्रे मिनीबस सेवा समिति अन्तर्गत गाडी बस चले याइम्ह पन्ति नपा वडा नं. ५ या सूर्य नारायण नापितयात वंगु चान्हय् गोलीं कयेकाः स्याना बिउगु खः। पन्तिया रुटय् बा. १ ख ७६९६ नम्बरया मिनीबस चले याइम्ह नापितयात धौख्यःया २८ किलो धइगु थासय् गोलीं कयेकाः स्याःगु खः। फोन यानाः सःतूगुलिं बहनी १० बजे पिहांवंम्ह नापितया सीम्ह थौं सुथय् लुयावःगु खः। दोषीयात मज्वंतले लँ मचायेकेगु खँ यातायात मजदूरतय्सं धाःगु दु ।