दुर्घटनाय् खुम्ह घाःपाः
येँ (सन्ध्या टाइम्स)/थौं सुथय् सिंहदरवार न्ह्यःने निजी माइक्रो व भाडाया गाडी ठक्कर नयाः खुम्ह मनू घाःपाः जूगु दु ।
सिंहदरवारं भद्रकालीपाखे वनाच्वंगु बा. ४ च ४१५० नम्बरया माइक्रो व अःखः दिशां वःगु बा. १ ज ६४४६ नम्बरया भाडाया गाडी ठक्कर नयाः उगु दुर्घटना जूगु खः। उकी लानाः कार चालक ख्वपया ३५ दँया अर्जुन थापा, आशिक केसी, आशिष सुवेदी, नविन थापा, तोरण थापा व विदेशी नागरिक याकु ज्वाईन घाःपाः जूगु दु ।
