१ सय १० अर्बया काम चलाउ बजेट
अर्थमन्त्री सुरेन्द्र पाण्डें काम चलाउया निंतिं १ सय १० अर्ब २१ करोड ७२ लख ८० हजारया आंशिक बजेत न्ह्यब्वयादीग दु । व्यवस्थापिका संसदया सोमवाः च्वंगु बैठकय् मन्त्री पाण्डें कुल बजेटया एक तिहाइ बराबरया बजेट न्ह्यब्वयादीगु खः ।
प्रधानमन्त्री माधवकुमार नेपालं राजीनामा बीधुंकूगु व वर्तमान सरकार काच चलाउ जक जूगुलिं वय्कलं काम चलाउ बजेट जक न्ह्यब्वयादीगु खः । वय्कलं सरकारया नीति व ज्याझ्वः वयेधुंकाः जक पूर्ण बजेट ह्येफइगु धयादिल ।
संसदय् आंशिक बजेट न्ह्यब्वयादिसें मन्त्री पाण्डें थुगुसी ५.५ प्रतिशतं बृद्धिदरया अपेक्षा यागुली जम्मा ३.५ प्रतिशत जक जूगु जानकारी बियादिल । वय्कलं न्ह्यब्वयादीगु बजेटय् वर्तमान सरकारं विशेष प्राथमिकता बियाः न्ह्याकाच्वंगु ज्यायात निरन्तरता व प्रशासनयात सुचारु यायेत तलव भत्ता लगायत ज्या मदिमा धकाः जक बजेट न्ह्यब्वयाःगु धयादिल ।
मन्त्री पाण्डें संसदय् बजेट नापं संञ्चित कोषया ध्यबा लिकायेगु व खर्च यायेगु विद्येयक नं पेश यानादीगु दु ।
