एमाले कार्यकर्तापाखें झलनाथ विरुद्ध नाराबाजी

येँ (सन्ध्या टाइम्स)/एमालेया कार्यकर्तातय्सं म्हिगः पशुपति आर्यघाटय् एमाले अध्यक्ष झलनाथ खनाल विरुद्ध नाराबाजी यात। एमालेया राष्ट्रिय परिषद् दुजः नापं ओखलढुंगाया नेता छबी कार्कीयात माओवादीं स्यातं नं अध्यक्ष खनालं माओवादीयात द्वपं मबिउ धासें एमाले कार्यकर्तातय्सं थःगु हे पार्टीया अध्यक्ष विरुद्ध नाराबाजी याःगु खः। उगु घटनायात कयाः एमाले नेता केपी ओली व प्रधानमन्त्री माधव नेपालं माओवादीयात हे द्वपं बियादीगु दु ।