खेलकुद परिषद्या उपाध्यक्ष चीकल

येँ (सन्ध्या टाइम्स)/राष्ट्रिय खेलकुद परिषद्या उपाध्यक्ष पिताम्बर निमिल्सिनायात उगु पदं चीकूगु दु। शिक्षा तथा खेलकुद मन्त्रालयपाखें वय्कःयात पदं चीकूगु खः। पूर्वया क्षेत्रीय रंगशाला धरानय् तयेगु लाकि इटहरीइ तयेगु धइगु खँयात कयाः वंगु शुक्रवाः खेलकुद परिषद्या ज्याकुथी जूगु ल्वापुइ वय्कःयात प्रहरीं ज्वना यंकूगु खः। ल्वापुइ ब्वति कयाः ज्याकू तोडफोड याःगु द्वपनय् वय्कःयात मन्त्रालयपाखें हे पदं चीकूगु खँ धाःगु दु ।