चलखं ल्हानाः न्याम्ह सित

निरन्तर वा वयाः शनिवाः बहनी स्याङ्जाय् वंगु चल:या कारणं मां म्ह्याय् सीगु दु । स्याङ्जा फेदी खुसिया जोगिस्थानय् वंगु चलखं २७दँ दुम्ह गंगा महत व वया ४दँ दुम्ह म्ह्याय् कुशल महत सीगु दु । छेँय् द्यनाच्वंगु इलय् वंगु चलःया कारणं मां व म्ह्याय् सीगु खःसा उगु हे छेँया मेपिं प्यम्ह दुजःत धाःसा बिस्यूंवना थःगु ज्यान जोग यायेत सफल जूगु दु ।

थ्वहे दथुइ कास्कीया मिजुरोडाँडा गाविसय् वंगु चलःया कारणं छखाः हे छेँया स्वम्ह मस्त सीगु दु । चलखं ल्हानाः मिजुरेडाँडाया माईला दमाईया छेँया १२दँया काय् राजेन्द्र, ७दँया काय् शोभाकर व ४दँया म्ह्याय् सुकमाया सीगु खँ प्रहरीं धाःगु दु ।