दिकातःगु नगरकोट पर्यटनमार्ग पुनःनिर्माण
झीगु स्वनिगः न्हिपौ
पर्यटन वर्ष सन् २०११ यात लक्षित याना पर्यटकीयस्थल नगरकोटय् निर्माण ज्या न्ह्याःगु पर्यटकीयमार्ग पुनःनिर्माण न्ह्याःगु दु । ठेकेदार कम्पनी चम्पक निर्माण सेवां असार मसान्ततक निर्माण क्वचायेकेमाःगु मार्ग विवादलिपा प्यलांनिसें दीकातःगु खः । रु। ३२ लाखया लगानीइ वंगु साउननिसें निर्माण न्ह्याःसां नं विवादलिपा दिनाच्वंगुिलं बच्छि ज्या जक क्वःचाःगु खः ।
कुल साढे दुई किलोमिटर सतकय् एक किलोमिटर मार्ग कचिलं जक तयार याःगु दु । पर्यटन मन्त्रालय अन्तर्गत पर्यटन पूर्वाधार विकास आयोजनाया आर्थिक ग्वाहालिइ न्ह्याःगु पर्यटन मार्गय् अप्पा लायेगु खोल्साय् तां दयेकेगु स्वाहाने त्वाःथः दयेकेगु न्यासिवनेत बार दयेकेगु नाली दयेकेगु ज्या आपालं थासय् ल्यं दनीगु खः ।
नगरकोट नाल्दुम पर्यटन विकास समितिया सचिव दिपक लामिछानें पर्यटन मार्ग निर्माणय् गनं नं विवाद मदुगु तर ठेकेदार कम्पनीं घाटा जुइगु धासें मार्ग निर्माण यायेत दिकूगु धयादिल । आयोजना प्रमुख रवि शाहं धाःसा घाटा जुइगु खनेदया त्वःतेत स्वःसां नं लिपांगु बिलया रकम मबीवं हाकनं ज्या न्ह्याःगु धयादिल ।
नगरकोटया महाकाली माविपाखें कात्तिके फार्म हाउसतक निर्माण जुइमाःगु उगु मार्गय् असोजनिसें पर्यटकत न्यासिवनेमाःगु खः तर मार्ग निर्माण क्वःमचाःगुिलं सम्भव मजुइगु जूगु दु । ठेकेदार कृष्ण भेडलं स्थानीयया विरोधलिपा मार्ग निर्माण दिकूसां नं थ्वहे वालंनिसें पुनःनिर्माण न्ह्याकूगु धयादिल ।
