स्वंगू दलया बैठक स्थगित

शनिवाः न्हिनय् च्वनीगु धाःगु प्रमुख स्वंगू दलया बैठक स्थगित जूगु दु । एनेकपा (माओवादी), नेपाली कांग्रेस व नेकपा (एमाले) दथुइ शनिवाः न्हिनय् २ बजे च्वनीगु धाःगु बैठक एमाले अध्यक्ष झलनाथ खनालया कार्यव्यस्थताया कारणं स्थगित यायेमाःगु खः । खनाल ओखलढुंगाय् हत्या याम्ह पार्टी कार्यकर्ताया अन्त्येष्टिलय् वनेगु ज्याझ्वः दुगुलिं बैठक स्थगित याःगु खः ।

बैठकय् राष्ट्रिय सहमतिय सरकारया बारे सहलह जुइगु ज्याझ्वः दुगु खः । अथेहे बैठकय् माओवादीं लडाकु समायोजन व पुनःस्थापनाया कार्यतालिका व शान्ति प्रकृया नाप स्वाःगु मेमेगु विषयत दुथ्याःगु कार्यतालिका न्ह्यब्वयइगु ज्याझ्वः दुगु खः ।