बस दुर्घटनाय् गुम्ह सित
बाराय् शुक्रवाः न्हिनय् जूगु छगः यात्रुबहाक बस दुर्घटनाय् गुम्ह सीगु दु । पूर्व-पश्चिम राजमार्गया बाराया पथलैया निजगढ सतक खण्डया टाँगियावस्तीलय् बस दुर्घटना जुयाः प्रहरी जवान सहित गुम्ह सीगु दुसाः नीच्याम्ह घाःपाः जूगु दु ।
येँ नं सर्लाहीया बैलास वनाच्वंगु ना. ४. ख. ३०४३ नम्बरया बस फाटापुला दुर्घटना जूगु खँ प्रहरीं धाःगु दु । प्रहरीया कथं तीव्र गतीय् वनाच्वंगु बस अनियन्त्रित जुयाः सतकय् फाटापुगु खः । दुर्घटनाय् लाना सर्लाहीया प्रहरी प्रधान ज्याकूथीइ कार्यरत प्रहरी जवान कन्हैया प्रसाद हरिजन व नां खुले मजूगु छम्ह घटनास्थलय् हे मदुगु खः ।
अथेहे चन्द्रनिगापुर १या चन्द्रकुमारी कार्की व रौतहट मावपुरया फेकन राउट कुर्की निजगढ मोहनी मेडीकलय् मदुगु व मकवानपुरया सावित्री थापा, रौतहट माधवसर ८या आशनारायण पटेल, रौतहटया हे महेन्द्र मुखिया, बारा डुमरवाना ७या टेकबहादुर लामा व सर्लाही ७या हरिनारायण साह नारायणी उपक्षेत्रिय अस्पताल वीरगंजय् वासः याकेगु झ्वलय् मदुगु खः ।
दुर्घटनाय् घाःपाः जूपिनि नारयणी उपक्षेत्रिय अस्पताल, वीरगंज भरतपुर मेडिकल कजेल व येँया थीथी अस्पतालय् वसः जुयाच्वंगु दु ।
