तःधंगु मिडियात सामन्तवादीतय् ल्हातय् : प्रम प्रचण्ड

प्रधानमन्त्री पुष्पकमल दाहालं हाक्वन छकः नेपाःया मिडिया ख्यः सामन्तवादी, पुँजीवादी व प्रतिकृयावादी शक्तिय् ल्हाते लानाच्वंगु द्वपं बियादिल ।

रेडियो मिरमिरे दच्छि क्यंगु लसताय् येँय् मंगलवाः याःगु ज्याझ्वलय् प्रम प्रचण्डं तस्कर हैकमय् दुगु संचार ख्यःत विश्वया निंतिं हाथ्य खः धयादिल । वयेकलं छुंछुं तधंगु संचार माध्यमत तस्करतय् ल्हाते दुगु व अज्याःगु संचार माध्यमं जनताया भ्रम सृजना जुइ कथंया बुखँत बियाच्वंगु कनादिल ।

वयेकलं धयादिल, 'संचार माध्यमय् तधंगु लगानी जुयाच्वंगु दु तर तस्करतपाखें संचालित संचार माध्यमं दयेया जनतायात भ्रम सृजना यानाच्वंगु दु ।' प्रम प्रचण्डं संचार माध्यम तस्करत व पुँजीवादीतय् ल्हाते दुगुलिं संचार ख्य नियन्त्रणय् तयेगु युद्ध थाकूइगु खँ कनादिल ।