स्वंगू दल गम्भीर मजुल : २२ दल
संविधानसभाय् दुथ्याःगु नीनिगू दलतय्सं सहमतिय सरकार गठनया निंतिं प्रमुख स्वंगू दल गम्भीर मजूगु द्वपं ब्यूगु दु ।
सिंहदरवार स्थित लेखा समितिया हलय् शुक्रवाः च्वंगु नीनिगू दलया बैठकं जेठ १४ गते जूगु सम्झौता मध्ये निगू बुँदे कार्यन्वयन जुइधुंकूगु व मेगू छगू बुँदा नं कार्यन्वयन यायेत प्रमुख स्वंगू दलयात इनाप याःगु दु । बैठकय् प्रमुख स्वंगू दल संविधान निर्माण यायेगु ज्याय् स्वयां नं सत्ता केन्द्रीत जुयाच्वंगुलिं संविधान निर्माणय् समस्या वःगु धासें संविधान निर्माणया विषयलय् गम्भीर जुइत स्वंगू दलयात इनाप याःगु दु ।
अथेहे बैठकय् चिधंगु दलया अस्तित्व स्वीकार यानाः न्हूगु सरकारय् तःधंगु दलयात समर्थन यायेगु बारे नं सहलह जूगु खः । आः गठन जुइगु न्हूगु सरकारय् संविधानसभाय् दुथ्याःगु २५ दलयात हे दुथ्याकाः गठन यायेमाःगु खँ नं नीनिगू दलं धाःगु दु ।
