मोरङ प्रजिअ श्रेष्ठ येँय्

मोरङ जोगवनीया भन्सार अधिकृतयात दुर्व्यवहार याःगु द्वपं लानाच्वंगु मोरङया प्रमुख जिल्ला अधिकारी शशीशेखर श्रेष्ठ बिहीवाः येँ थ्यंकादीगु दु । श्रेष्ठयात कारवाही मयातल्ले आन्दोलन यानाच्वनेगु कर्मचारीतय् ख्याच्वः लिपा गृह मन्त्रालयया निर्देशनय् वय्क येँ थ्यंकादीगु खः । बिहीवा: गृहमन्त्रालयं तुरुन्त मन्त्रालयलय् हाजिर जुइत निर्देशन सहित पौ छ्वःगु खः । मन्त्रालयं श्रेष्ठया थासय् सहायक प्रजिअ सुरेन्द्र पौडेलयात निमित्त प्रजिअ नियुक्त याःगु दु ।