सहमतिय सरकार गठन यायेत राष्ट्रपति पाखें न्यान्हु थप

राष्ट्रपति डा. रामवरण यादवं सहमतिय सरकार गठन यायेत न्यान्हुया ई थप यानादीगु दु । संविधानसभाय् दुथ्याःगु नीन्यागुलिं दलया इनाप लिपा राष्ट्रपति यादवं न्यान्हु थप यानाः सहमतिय सरकार गठन यायेत असार २८ गते तकया ई बियादीगु दु ।

थ्वस्वयां न्ह्यः राष्ट्रपति यादवं थौं तकया दुने सहमतिय सरकार गठन यायेत राजनीतिक दलतय्त ई बियादीगु खः । थौं तक नं सहमतिय सरकारया गठनया निंतिं दलत दथुइ सहमति जुइमफेवं नीन्यागु दलं न्यान्हुया ई थप यायेत राष्ट्रपतियात इनाप यायेगु निर्णय याःगु खः ।

उगु निर्णय कथं नीन्यागू दलया नेतात राष्ट्रपति भवन शितल निवास थ्यंकाः न्यान्हुया ई थप यायेत राष्ट्रपतियात इनाप याःगु खः ।