नीन्यागू दलं न्यान्हुया ई माग

संविधानसभाय् दुथ्याःगु नीन्यागूलिं दलं सहमतिय सरकार गठनया निंतिं राष्ट्रपति नाप थप न्यान्हुया ई माग यायेगु निर्णय याःगु दु । सहमतिय सरकार गठन यायेत राष्ट्रपति डा. रामवरण यादवं बियादीगु थौं तकया ईया दुने नं सरकार गठन यायेगु खँय् सहमति जुइमफेवं थप न्यान्हुया ई माग यायेगु निर्णय याःगु खः ।
बुधवाः न्हिनय् संविधानसभा भवनय् च्वंगु बैठकय् नीन्यागूलिं दलं सहमतिय सरकार गठनया निंतिं ई मगागु निष्कर्ष पिकासें राष्ट्रपति समक्ष ई थप यायेत इनाप यायेगु निर्णय याःगु खः ।

थ्वस्वयां न्ह्यः बुधवाः सुथय् च्वंगु प्रमुख स्वंगू दल एनेकपा (माओवादी), नेपाली कांग्रेस व नेकपा (एमाले)या शीर्ष नेतात दथुइ जूगु खँल्हाबंलाय् राष्ट्रपतियात थप ई फ्वनेगु व उकीया बारे संविधानसभाय् दुथ्याःगु नीन्यागूलिं दल नाप सहलह यायेगु खँ क्वःछीउगु खः ।